Aathmanadi ennilekk ozhukkuvanayi

Verse 1

ആത്മനദി എന്നിലേക്കൊഴുക്കുവാനായി ആവലോടെ ഞാനും കാത്തിരുന്നപ്പോൾ (2) ആത്മനാഥനെന്നോടു തൻകരുണകാട്ടി ആത്മനദി എന്നിലേക്കുമവനൊഴുക്കി (2)

Verse 2

ആത്മനദി എന്റെ പാദങ്ങൾ നനച്ചപ്പോൾ ആനന്ദത്താലെന്റെയുള്ളം തുളുമ്പിപ്പോയി (2) പുതിയൊരു ശക്തി എന്നിലേക്കെൻ നാഥൻ അനുനിമിഷം പകർന്നു തുടങ്ങി (2)

Verse 3

ആത്മനദി എന്റെ മുട്ടോളമെത്തിയപ്പോൾ ആകുലം മറന്നു ഞാൻ ആരാധിച്ചുപോയ് (2) അത്യന്തശക്തിയാലെൻ മൺകൂടാരമങ്ങ് പന്തുപോലെ പൊങ്ങി പൊങ്ങി തുടങ്ങി (2)

Verse 4

ആത്മനദി എന്റെ അരയോളം എത്തി ആരുമറിയാത്തൊരു ഭാഷ ഞാൻ ചൊല്ലി (2) മനുഷ്യരോടല്ല എൻ ദൈവത്തോടുതന്നെ അന്യഭാഷയിൽ സംസാരിച്ചു തുടങ്ങി (2)

Verse 5

ആത്മനദി എന്റെ ശിരസ്സോളം എത്തി എൻ പാദങ്ങൾ തറയിൽ ഉറയ്ക്കാതെയായി (2) എൻ ദേഹത്തിനു തെല്ലും ഭാരമില്ലാതായ് ആത്മനദിയിൽ അങ്ങ് നീന്തി തുടങ്ങി (2)

LyricFront