Adavi tharukkalinidayil oru naarakam

Verse 1

അടവി തരുക്കളിന്നിടയിൽ ഒരു നാരകമെന്നവണ്ണം വിശുദ്ധരിൻ നടുവിൽ കാണുന്നേ അതി ശ്രേഷ്ഠനാമേശുവിനെ

Verse 2

വാഴ് ത്തുമേ എന്റെ പ്രിയനെ ജീവകാലമെല്ലാം ഈ മരുയാത്രയിൽ നന്ദിയോടെ ഞാൻ പാടിടുമേ (2)

Verse 3

പനിനീർ പുഷ്പം ശാരോനിലവൻ താമരയുമേ താഴ്വരയിൽ വിശുദ്ധരിൽ അതിവിശുദ്ധനവൻ മാ സൗന്ദര്യ സമ്പൂർണ്ണനെ

Verse 4

പകർന്ന തൈലംപോൽ നിൻ നാമം പാരിൽ സൗരഭ്യം വീശുന്നതാൽ പഴി ദുഷി നിന്ദ ഞെരുക്കങ്ങളിൽ എന്നെ സുഗന്ധമായ് മാറ്റിടണേ

Verse 5

മനഃക്ലേശതരംഗങ്ങളാൽ ദുഃഖസാഗരത്തിൽ മുങ്ങുമ്പോൾ തിരുക്കരം നീട്ടി എടുത്തണച്ച് ഭയപ്പെടേണ്ട എന്നുരച്ചവനേ

Verse 6

തിരു ഹിതമിഹെ തികച്ചിടുവാൻ ഇതാ ഞാനിപ്പോൾ വന്നിടുന്നേ എന്റെ വേലയെ തികച്ചുംകൊണ്ടു നിന്റെ മുമ്പിൽ ഞാൻ നിന്നിടുവാൻ

LyricFront