Arumayulleshuve kurishil maricha

Verse 1

അരുമയുള്ളേശുവേ കുരിശിൽ മരിച്ച-എൻ ജീവനെ വീണ്ട രക്ഷിതാവേ സകലവും മറന്നു ഞാൻ സകലവും വെടിഞ്ഞു ഞാൻ ദുർഘടമലകൾ കടന്നു വരുന്നേ

Verse 2

വീടും മറന്നു ഞാൻ നാടും മറന്നു ഞാൻ ഉടയവനേ നിന്റെ തിരുമുഖം കാൺമാൻ അടിയനെ വഴിയിൽ പലവിധയാപത്തിൻ നടുവിൽ നീ നടത്തി പരിപാലിച്ചു

Verse 3

അപ്പനേക്കാളുമെന്നമ്മയെ കാളുമെൻ- ഓമനയുള്ളെൻ രക്ഷിതാവേ സകലവും മറന്നു ഞാൻ സകലവും വെടിഞ്ഞു ഞാൻ അരുമയുള്ളേശുവേ നിന്നെ മതിയേ

Verse 4

കീറിയ വസ്ത്രവും നാറുന്ന ദേഹവും പൊഴിയുന്ന കഷണവും എന്നുടെ പ്രിയനെ ലാസറെ പോലെനിക്കീധരയേകിലും അരുമയുള്ളേശുവേ നിന്നെ മതിയേ

Verse 5

വാളാൽ മരിക്കിലും പഞ്ഞത്താൽ ചാകിലും സിംഹങ്ങൽ ചീന്തി കഴുകന്മാർ പറിക്കിലും രക്ഷകനേശുവേ കാരുണ്യവാനേ നിശ്ചയമായെനിക്കവിടുത്തേ മതിയേ

Verse 6

വീട്ടിൽ മരിക്കയോ കാട്ടിൽ പോയ് ചാകയോ റോമയിൽ പോകയോ തടവിൽ ഞാൻ ആകയോ അടികളും ഇടികളും പഴികളും ദുഷികളും അരുമയുള്ളേശുവിൻ പേരിൽ ഞാൻ സഹിക്കാം

Verse 7

പോകുന്നു ഞാൻ എന്റെ പ്രേമസഖി നിന്റെ മാറിൽ വസിച്ചെന്റെ വീടൊന്നു കാൺമാൻ സകലവും മറന്നു ഞാൻ സകലവും വെടിഞ്ഞു ഞാൻ അരുമയുള്ളേശുവേ നിന്നെ മതിയേ

LyricFront