Athbhutham yeshuvin naamam

Verse 1

അത്ഭുതം യേശുവിൻ നാമം ഈ ഭൂവിലെങ്ങും ഉയർത്തിടാം

Verse 2

എല്ലാരും ഏകമായ് കൂടി സന്തോഷമായ്‌ ആരാധിക്കാം നല്ലവനാം കർത്തനവൻ വല്ലഭനായ്‌ വെളിപ്പെടുമേ

Verse 3

നീട്ടിയ തൃക്കരത്താലും പരിശുദ്ധാത്മ ശക്തിയാലും തിരുവചനം അതിധൈര്യമായ് ഉരച്ചീടുക സഹോദരരേ

Verse 4

മിന്നൽപിണരുകൾ വീശും പിന്മാരിയെ ഊറ്റുമവൻ ഉണരുകയായ്‌ ജനകോടികൾ തകരുമപ്പോൾ ദുർശക്തികളും

Verse 5

വെള്ളിയും പൊന്നൊന്നുമല്ല ക്രിസ്തേശുവിൻ നാമത്തിനാൽ അത്ഭുതങ്ങൾ അടയാളങ്ങൾ നടന്നീടുമേ തൻ ഭുജബലത്താൽ

Verse 6

കുരുടരിൻ കണ്ണുകൾ തുറക്കും കാതു കേട്ടിടും ചെകിടർക്കുമെ മുടന്തുള്ളവർ കുതിച്ചുയരും ഊമരെല്ലാം സ്തുതി മുഴക്കും

Verse 7

ഭൂതങ്ങൾ വിട്ടുടൻ പോകും സർവ്വബാധയും നീങ്ങിടുമേ രോഗികളും ആശ്വസിക്കും ഗീതസ്വരം മുഴങ്ങിടുമേ

Verse 8

നിന്ദിത പാത്രരായ്‌ മേവാൻ നമ്മെ നായകൻ കൈവിടുമോ എഴുന്നേറ്റു നാം പണിതീടുക തിരുക്കരങ്ങൾ നമ്മോടിരിക്കും

LyricFront