Athivegamaay shreeyeshuraajan

Verse 1

അതിവേഗമായ് ശ്രീയേശുരാജൻ വാനമദ്ധ്യ വന്നീടും അതിനാൽ സ്വകാന്തേ നിൻതല ഉയർത്തിടേണം ഈ ക്ഷണം

Verse 2

ബഹുവൽസരം മുൻ താൻ വചിച്ചാശ്വാസമാമോരോമൊഴി അതുപോൽ ഭവിച്ചിടുന്നതാ നീ ആവലോടിരിക്കുക

Verse 3

നടുരാത്രിയാണാ സന്ധ്യയിലോ കോഴികൂകും നേരത്തോ ഒരു കാഹളം മുഴങ്ങിടും നീ ആവലോടിരിക്കുക

Verse 4

കുരിശേറിയോനേ ഓർത്തു നീ സഹിച്ചതാം ഓരോവ്യഥ അതിൻ സൽപ്രതിഫലം തരുമവൻ കരങ്ങളാൽ ദൃഢം

Verse 5

പല കഷ്ടനഷ്ടമേറി വന്നാൽ ഭാഗ്യവാനാകുന്നു നീ ഒരു നാൾ പ്രിയൻ തൻ കൈകളാൽ നിൻ കണ്ണുനീർ തുടച്ചിടും

Verse 6

പരിശുദ്ധ സംഘം എന്നുരച്ചാൽ മാത്രം യേശു ചേർക്കുമോ ? പരിശുദ്ധമായ് ജീവിച്ചു പാരിൽ പാർത്തിരുന്നാൽ ചേർത്തിടും

Verse 7

അഭിഷേക ഭാഗ്യം തന്നെയോ അതോടു ചേർന്നൊരോന്നുമേ അഭിഷിക്തരാൽ നീ ഏറ്റതും നിൻ ഭാഗ്യമല്ലയോ പ്രിയേ

LyricFront