അഴലേറുമീ ലോക വാരിധിയിൽ വിശ്വാസനൗകയിൽ ഞാൻ ക്രൂശിതനാമെൻ കർത്താവിനെ നോക്കി യാത്ര ചെയ്യുന്നു ഞാൻ

വിശ്വാസ കൺകളാൽ കാണുന്നു ഞാൻ ശാശ്വത ഭവനമിതാ പിൻപിലുള്ളതിനെ മറന്നു കൊണ്ടോടുന്നു മുൻപിലെൻ വിരുതിനായി Verse 3: വേല വിശാലവും വിപുലവുമേ വേലക്കാർ ചുരുക്കവുമേ അൻപേറും പ്രീയനിൻ മാധുര്യമേറിടും വിളികേട്ടു ഞാൻ വരുന്നേ Verse 4: കാൽവറി സ്നേഹത്തിൻ ആഴമതിൽ നിമഗ്നനായ് അന്ത്യം വരെ ക്രൂശതിൽ സാക്ഷിയായ് അടരാടുവാൻ നാഥാ അമിതബലം തരണേ Verse 5: ബലഹീനതയിൽ തികെഞ്ഞു വരും അത്യന്ത ശക്തിയിനാൽ ബലഹീനനെന്നെ നടത്തേണമേ നീ നന്നായ് നിൻ സേവ ചെയ്വാൻ Verse 6: മഹിമാസനത്തിങ്കൽ കളങ്കമെന്യേ എന്നെയും നിറുത്തിടുവാൻ ശക്തനാം യേശുവിൽ സമ്പൂർണ്ണമായ് എന്നെ അർപ്പണം ചെയ്യുന്നു ഞാൻ