Chitham kalangidallo poye varum

Verse 1

ചിത്തം കലങ്ങിടൊല്ലാ പോയ് വരും ഞാൻ പോയ് വരും ഞാൻ (2)

Verse 2

സത്യമായെന്നിലും നിത്യപിതാവിലും ശക്തിയായ് വിശ്വസിപ്പിൻ സന്തതവും നിങ്ങൾ

Verse 3

എൻപിതാവിൻ ഗൃഹേ ഇൻപമെഴും പല സംഭൃതഭവനങ്ങളുണ്ടതിനാലിനി

Verse 4

പോയിടുന്നേൻ മുദാ വാസമൊരുക്കുവാൻ ആഗമിച്ചഹം വീണ്ടും ചേർക്കുവാൻ ഞങ്ങളെ

Verse 5

സത്യവും ജീവനും മാർഗ്ഗവും ഞാനത്രേ നിത്യപിതാവിലേക്കെത്തിടുന്നെന്നിലൂടെ

Verse 6

എൻപിതാവെന്നിലും ഞാനവൻ തന്നിലും ഇമ്പമോടിതു നിനച്ചൻപൊടു വിശ്വസിപ്പിൻ

Verse 7

എന്നുടെ നാമത്തിലെന്തു യാചിക്കിലും എൻപിതൃതേജസ്സിന്നായ് ഞാനതു ചെയ്തിടും

Verse 8

നിങ്ങളെന്നെ സ്നേഹിക്കുന്നുവെന്നാലെന്റെ മംഗളകരങ്ങളാമാജ്ഞകൾ പാലിക്കും

Verse 9

നാഥനില്ലാത്തവരായി വിടാതെ ഞാൻ കേവലമടുക്കലേക്കാഗമിപ്പേൻ മുദാ

Verse 10

നിത്യമായ് നിങ്ങളോടൊത്തിരിപ്പാനൊരു സത്യവിശുദ്ധാത്മാവെ തന്നിടുവേനതാൽ

LyricFront