Daivathin krupaye chinthikkam

Verse 1

ദൈവത്തിൻ കൃപയെ ചിന്തിക്കാം ദിവ്യജീവൻ നൽകിയതോർക്കാം

Verse 2

ഏകസുതനിൽ വിശ്വസിച്ചിടുന്നോർ- ക്കേവർക്കും ജീവൻ നൽകുവാനവനെ ഏകി ലോകത്തെ സ്നേഹിച്ച കൃപയെ പുകഴ്ത്തി നമുക്കു സ്തുതിക്കാം

Verse 3

ന്യായവിധിയിൻ വാളിന്നു കീഴിൽ ന്യായമായകപ്പെട്ടാകുലരാകും നമ്മുടെ ശിക്ഷയഖിലം പുത്രന്മേൽ ചുമത്തിയ കൃപയോർക്കാം

Verse 4

ദൈവമേ ദൈവമേ ഈവിധമെന്നെ കൈവിട്ടതെന്തെന്നലറിക്കരയുവാൻ ജീവന്റെ നാഥന്നിടയായതെന്തെ ന്നറിഞ്ഞു നമുക്കു സ്തുതിക്കാം

Verse 5

കുരിശിൽ തൻ ജീവൻ വെടിഞ്ഞുവെന്നാലും മരണത്തെവെന്നുതാനുയിർത്തു മൂന്നാം നാൾ പ്രാണനു പുതുക്കം പ്രാപിച്ചു നമുക്കും പ്രണമിച്ചു മുന്നിൽ വീഴാം

Verse 6

നമുക്കായിട്ടിന്നും മൽക്കീസെദേക്കിൻ ക്രമത്തിൽ പ്രധാന പുരോഹിതനായി സ്വർഗ്ഗവിശുദ്ധസ്ഥലത്തെത്തി വാഴു- ന്നവനെ നമുക്കു സ്തുതിക്കാം

Verse 7

വീണ്ടും വരുന്നു രാജാധിരാജൻ കണ്ടീടും വേഗം വാനിൽ നാമവനെ സ്വന്തജനത്തെ ചേർത്തിടുമുടനെ ഹല്ലേലുയ്യാ ഗീതം തുടരാം

LyricFront