Devadhi deva sutha yahaam

Verse 1

ദേവാധി ദേവസുതാ യാഹാം ശാശ്വതനെ നിൻ ദാസരിൽ വൻകൃപ പകർന്നിടുവാൻ വാഴ്ത്തി പുകഴ്ത്തിടുന്നേ

Verse 2

ആശ്രിതർക്കഭയം അരുളുന്നോനേ ആലംബം നീ മാത്രമേ ആഴിയിൻ അലകൾപോൽ പകർന്നീടുക അളവറ്റ സ്നേഹമെന്നിൽ

Verse 3

വാനം ഭൂവാക്കിനാൽ ചമച്ചവനെ വാക്കുമാറാത്തവനെ വാഗ്ദത്തം എനിക്കായ് തന്നവനേ-ഞാൻ വാഞ്ഛയായ് കാത്തിടുന്നേ

Verse 4

ആരെ വിശ്വസിച്ചതെന്നറിയുന്നു-ഞാൻ അവനെന്റെ ഉപനിധിയേ അന്ത്യം വരെ എന്നെ കാത്തിടുവാൻ അവൻ മതിയായവനെ

Verse 5

കഷ്ടങ്ങൾ അടിക്കടി ഏറിടിലും കലങ്ങാതെ നിന്നീടുവാൻ കഴുകുപോൽ പുതുബലം ധരിച്ചീടുവാൻ- അവൻ കരങ്ങളിൽ താണിരിക്കാം

Verse 6

വാഗ്ദത്തം അഖിലവും നിറവേറുന്നേ വരവിൻ നാൾ അടുത്തിടുന്നേ വാഞ്ഛയോടവനായ് കാത്തിടുന്നോർ അന്നു വിൺപുരം പൂകിടുമേ

LyricFront