Dushdanmaarin aalochana

Verse 1

ദുഷ്ടന്മാരിൻ ആലോചന കേട്ടു തെല്ലും നടക്കാതെ ഭ്രഷ്ടന്മാരാം പാപികളിൻ വഴി നിൽക്കാതെ!

Verse 2

പരിഹാസം ചൊല്ലീടുന്ന മർത്യർ കൂടെ ഇരിക്കാതെ യാഹിൻ വചനത്തിൽ എന്നും മോദിച്ചീടുന്നോൻ!

Verse 3

ദൈവത്തിൻ പ്രമാണങ്ങളെ രാപ്പകൽ ധ്യാനിച്ചീടുന്ന ദൈവഭയം ഉള്ള മർത്യൻ അതി ഭാഗ്യവാൻ!

Verse 4

ആറ്റിന്നരികത്തു നട്ട തൽസമയേ ഫലം നൽകും ഇലയൊട്ടും വാടിടാത്ത വൃക്ഷങ്ങൾ പോലെ!

Verse 5

അവൻ ചെയ്യും കാര്യമെല്ലാം സഫലമായ് തീർന്നിടുമേ ദൈവം അവൻ കൂടെയുണ്ട് സഹായമായി!

Verse 6

ദുഷ്ടന്മാരോ നീങ്ങിപ്പോകും കാറ്റു-പാറ്റും പതിർപോലെ പിന്നീടാരും അവർ സ്ഥലം കാണുകയില്ല!

Verse 7

ദുഷ്ടന്മാരോ ന്യായാസനേ നിവർന്നു നിൽക്കുമോ ഇല്ല പാപികളോ നീതിമാന്മാർ സഭയിൽ വരാ!

Verse 8

ദൈവം നീതിമാന്മാരുടെ വഴികളെ അറിയുന്നു ദുഷ്ടന്മാരിൻ വഴികളോ നാശകരമേ!

Verse 9

ജീവന്റെ പുസ്തകമതിൽ പേരുള്ളോർ എല്ലാരും ധന്യർ അല്ലാത്തവർ വീണിടുമേ തീപ്പൊയ്കയതിൽ!

LyricFront