En priyane enthini thaamasamo

Verse 1

എൻ പ്രിയനേ! എന്തിനി താമസമോ എന്നുള്ളത്തിൻ ആശ നിൻ മുഖം കാൺമാൻ

Verse 2

എന്നുള്ളം നീറുന്നീ ലോകത്തിൻ മാലിന്യം എന്നാളും കണ്ടിടുമ്പോൾ - അയ്യോ - എൻ

Verse 3

പാപത്തെ വെള്ളം പോൽ പാനം ചെയ്തിടുന്ന പാതകർ പെരുകുന്നയ്യോ - ഭൂവിൽ - എൻ

Verse 4

ദൈവത്തെ ത്യജിക്കും നാസ്‌തികർ വളരെ കൂട്ടം കൂടിടുന്നയ്യോ - ദേവാ - എൻ

Verse 5

മതി കെട്ട മനുജർ പണിയുന്നേയകറ്റാൻ മതത്തെ ഈ ഭൂവിൽനിന്നു - സത്യ - എൻ

Verse 6

അധർമ്മമൂർത്തിയായ് വരും അന്തിക്രിസ്തുവിനായ് വഴിയൊരുക്കു "ന്നിസ്സ" ങ്ങൾ - പാരിൽ - എൻ

Verse 7

രാഷ്ട്രീയ മത്സരത്തിൻ മദ്ധ്യത്തിലവർ - ദൈവ രാജ്യത്തെ മറന്നിടുന്നേ - നിത്യ - എൻ

Verse 8

ആശ്വാസം നൽകാത്തീ പാരിടം വെടിഞ്ഞോടാൻ ആശയേറിടുന്നയ്യോ - നാഥാ - എൻ

Verse 9

സ്വർഗ്ലാധിസ്വർഗ്ഗത്തിലെൻ പ്രാണനാഥനുമായി വാണിടാനാശയെനി -ക്കേറ്റം - എൻ

Verse 10

സ്നേഹത്താൽ പൂരിതമാം സാമ്രാജ്യം ഒന്നീ ഭൂവിൽ സ്ഥാപിപ്പാൻ വരുന്ന പരാ - വേഗം - എൻ

Verse 11

ചെന്നായും കുഞ്ഞാടുമായ് മേയുമാരാജ്യ വാഴാൻ എന്നെ ചേർത്തിടണമേ! - വേഗം - എൻ

Verse 12

എൻ പ്രിയയേശുവേ നിൻ പൊൻമണവാട്ടിയിൻ ഒരുക്കങ്ങൾ തീർന്നില്ലയോ - ഇന്നും - എൻ

LyricFront