Engo chumannu pokunnu

Verse 1

എങ്ങോ ചുമന്നു പോകുന്നു! കുരിശുമരം എങ്ങോ ചുമന്നു പോകുന്നു!

Verse 2

എങ്ങോ ചുമന്നുപോകുന്നിങ്ങി-കാനലിൽ നിന്റെ അംഗം മുഴുവൻ തളർന്നയ്യോ-എൻ യേശുനാഥാ

Verse 3

പാപികളാലെ വന്ന ഭാരച്ചുമടോ? ഇതു ദേവാ നിൻതോളിറ്റു-വേവൽപെടുന്നതും നീ

Verse 4

ഭാരം വഹിപ്പാനേതും-കായബലമില്ലാതെ പാരം പരിശ്രമപ്പെട്ടായാസത്തോടുകൂടെ

Verse 5

കൈകാൽ തളർന്നും ഇരു-കൺകൾ ഇരുണ്ടും നിന്റെ മെയ്കാന്തി വാടി ഏറ്റം-നാവു വരണ്ടും അയ്യോ

Verse 6

കഷ്ടമീദ്രോഹികളാൽ-കഷ്ടപ്പെട്ടതു കണ്ടാൽ പൊട്ടും മനം എൻ ദോഷം-കൂടെ എടുത്തുകൊണ്ടു

Verse 7

വേച്ചും വിറച്ചും അടിവെച്ചും പോകവെ ഒരു വീഴ്ചകൂടാതെ ശിമോൻ താനും പിന്തുടർന്നുകൊണ്ട്

Verse 8

മാതാവാതുര തന്റെ ജാതി ജനങ്ങളോടും മായമില്ലാതെ നാരികൂട്ടം വിലാപമോടും

Verse 9

കൊല്ലാനോ നിൻ ദേഹത്തെ? വെല്ലാനോ മരണത്തെ? എല്ലാ പാപങ്ങളെയും ഇല്ലാതെയാക്കുവാനോ?

Verse 10

കണ്ഠക്കള്ളർ നടുവിൽ-കൊണ്ടൊതുക്കിടുവാനോ? ശണ്ഠാളൻമാരെ തൂക്കും-തലയോട്ടിൻ മേട്ടിനോ

Verse 11

നാശവിനാശനാ സ-ർവ്വേശൻ യേശുവേ നിന്റെ ദാസർ നാശം ഒഴിവാൻ-ഈ ചുമടും എടുത്തു

LyricFront