Enne rakshippathinu nathhan

Verse 1

എന്നെ രക്ഷിപ്പതിനു നാഥൻ അയ്യോ! താണിറങ്ങി, വന്നതോർത്താൽ

Verse 2

എന്റെ ഇഷ്ടം നടക്കേണ്ട അബ്ബാ നിന്റെ ഇഷ്ടം നടക്കട്ടെ

Verse 3

ഗതസമന തോട്ടത്തിൽ പോയ് അയ്യോ! കവിണ്ണു വീണു പ്രാർഥിക്കുന്നു കഴിയുമെങ്കിൽ ഈ പാനപാത്രം അബ്ബാ എങ്കൽ നിന്നു നീങ്ങി പോണം എന്റെ...

Verse 4

പ്രാർഥനയിൽ നിന്നിഴുന്നു അപ്പോൾ വട്ടം കൂടി അടുത്തു യൂദർ പിടിച്ചു കെട്ടി നടത്തി കൊണ്ടു അയ്യോ! പോകുന്നിതാ ക്രൂരന്മാരും എന്റെ...

Verse 5

പീലാത്തൊസിൻ അരമനയിൽ അയ്യോ! നിൽക്കുന്നിതാ അരുമനാഥൻ പലപല ചോദ്യങ്ങൾ ചെയ്തു അയ്യോ! വിധിക്കുന്നിതാ പീലാത്തൊസ് എന്റെ...

Verse 6

യെരൂശലേമിൻ പുത്രിമാരും അയ്യോ! മാർവിൽ തല്ലി നിലവിളിച്ചു അപ്പോൾ രാജാ കൽപ്പിക്കുന്നു നിങ്ങൾ എന്നെ ചൊല്ലി കരക വേണ്ടാ എന്റെ...

Verse 7

ക്രൂശിൻ മീതെ കയറ്റിയിട്ടു അയ്യോ! കൈകൾ രണ്ടും നീട്ടുന്നിതാ കാൽകൾ രണ്ടും ഒരാണിയാൽ തറയ്ക്കുന്നിതാ ക്രൂരന്മാരും എന്റെ...

Verse 8

എൻ ദൈവമേ എൻ ദൈവമേ അയ്യോ! എന്തിനെന്നെ കൈവിട്ടത് കാടി വാങ്ങി തീർന്നുടനെ അയ്യോ! നിവർത്തിയായി ജീവൻ വിട്ടു എന്റെ...

LyricFront