Ennu njan kanum ninne manuvele

Verse 1

എന്നു ഞാൻ കാണും നിന്നെ മനുവേലേ എന്നു ഞാൻ കാണും നിന്നെ

Verse 2

ഉന്നതദേവന്റെ നന്ദനനെങ്കിലും മന്നിൽ പിറന്നു വളർന്നു നടന്നന്നോനെ എന്നു

Verse 3

എന്നെ പെരിയൊരു സമ്പന്നനാക്കുവാൻ തന്നെ ദരിദ്രനായ് തീർന്ന മഹേശനേ എന്നു

Verse 4

രാജപുരോഹിതസ്ഥാനമുണ്ടാകയാൽ ജ്ഞാനികളിൽ നിന്നു കാഴ്ച ലഭിച്ചോനേ എന്നു

Verse 5

സർവ്വഗുണളുമെന്നിൽ പ്രകാശിപ്പാൻ പർവ്വത സൂക്തികൾ ചെയ്ത പരേശനേ എന്നു

Verse 6

ഒറ്റിക്കൊടുത്തൊരു യൂദാവിനെ തന്റെ ഉറ്റസഖാവെന്നു ചൊന്നോരധീശനെ എന്നു

Verse 7

സാഹായ്യമറ്റവരായ് തന്നുടെ ശിഷ്യരെ കൈവിടുകില്ലെന്നു മെയ്വാക്കു തന്നോനേ എന്നു

Verse 8

വിണ്ണിൽ കടന്നു ഞാൻ വീടൊരുക്കീട്ടങ്ങു നിങ്ങളേയും ചേർത്തു കൊള്ളുമെന്നുമൊഴിഞ്ഞോനെ എന്നു

Verse 9

എൻ പ്രിയ രക്ഷകനെ : എന്ന രീതി

LyricFront