Ennullilennum vasichiduvan swargga

Verse 1

എന്നുള്ളിലെന്നും വസിച്ചിടുവാൻ സ്വർഗ്ഗ- മണ്ഡപം വിട്ടിറങ്ങി-വന്ന ഉന്നതനാം തങ്കപ്രാവെ നീ വന്നെന്നിൽ എന്നുമധിവസിക്ക

Verse 2

തങ്കച്ചിറകടി എത്ര നാൾ കേട്ടിട്ടും ശങ്കകൂടാതെ നിന്നെ-തള്ളി സങ്കേതം ഞാൻ കൊടുത്തന്യർ- ക്കെന്നൊർത്തിതാ സങ്കടപ്പെട്ടിടുന്നു

Verse 3

കർത്തനെ എത്രയനുഗ്രഹങ്ങളയ്യോ നഷ്ടമാക്കിയിവിധം- ഇന്നും കഷ്ടത തന്നിൽ വലയുന്നു ഞാനിതാ തട്ടിയുണർത്തണമേ

Verse 4

ശൂന്യവും പാഴുമായ് തള്ളിയതാമീ നിൻ മന്ദിരം തന്നിലിന്നു-ദേവാ വന്നു പാർത്തു ശുദ്ധിചെയ്തു നിൻ വീട്ടിന്റെ നിന്ദയകറ്റണമേ

Verse 5

ജീവിതമിന്നും ശരിയായിട്ടില്ലയ്യോ ജീവിപ്പിക്കും കർത്തനെ-വന്നു ജീവനും ശക്തിയും സ്നേഹവും തന്നെന്നെ ജീവിപ്പിച്ചീടണമേ

Verse 6

ശക്തിയിൻ സിംഹാസനേ ജയവീരനായ് വാഴുന്നോരേശുരാജൻ-എന്നിൽ ശക്തിയോടെ വന്നു വാണിടും നേരത്തിൽ ശക്തനായ് ജീവിക്കും ഞാൻ

Verse 7

എന്നലങ്കാരവസ്ത്രം ധരിച്ചിടും ഞാൻ ഇന്നുമുതൽ ദൈവമേ- മേലാൽ എന്നിൽ അശുദ്ധനും ചേലാവിഹീനനും ചേർന്നു വരികയില്ല

Verse 8

ഈ വിധത്തിൽ പരിപാലിക്കപ്പെട്ടിടാൻ ദൈവാത്മാവേ വന്നെന്നിൽ-എന്നും ആവസിച്ചു തവ തേജസ്സാലെന്നുടെ ജീവൻ പ്രശോഭിപ്പിക്ക

LyricFront