Eriyunna thee samamaam divyajeevan

Verse 1

എരിയുന്ന തീ സമമാം ദിവ്യ ജീവൻ തരിക നീ പരനെ നിരന്തരവും എരിയുന്നമൊഴികൾ ഉരച്ചീടുവാൻ-നാവിൽ ചൊരിക നിൻ വരങ്ങൾ നിറപടിയായ്

Verse 2

സ്നേഹത്തീ എന്നുള്ളിൽ ജ്വലിച്ചുയർന്നു-പൈ ദാഹമാത്മാക്കളൊടേകണമെ സ്നേഹനാവുരുകട്ടെ കഠിനഹൃദയങ്ങളെ-അവർ വേഗം മരണപാത വിട്ടീടട്ടെ

Verse 3

ബലിപീഠമതിൽ നിന്നെടുത്ത കനലാൽ-എൻ മലിനമധരങ്ങളിൽ നിന്നകറ്റി പലവിധ വിസ്മയവചനമുരച്ചീടുവാൻ-എന്നിൽ ചേലോടരുളേണം നിൻ കൃപയെ

Verse 4

നിന്നിലീയടിയൻ ജ്വലിച്ചീടുവാൻ-എൻ തന്നിഷ്ടമാകെ വെടിയുന്നു ഞാൻ മന്നവനെന്നിൽ വന്നവതരിച്ചു-സ്വർഗ്ഗ വഹ്നിയാൽ നിർമ്മലമാക്കീടുക

Verse 5

ദേശമാകെ ജ്വലിച്ചാളീടുവാൻ നിൻ ദാസരിൽ തീക്കനൽ വിതറണമെ നാശലോകെ തീ ക്കഷണങ്ങളായവർ വീശണം പരമ സുവാർത്തകളെ

Verse 6

തീയിടാൻ ഭൂമിയിൽ വന്ന പരാ-അയ്യോ തിന്മ പെരുകുന്നു കാണണമെ തീ കൊണ്ടു നിൻ ഭൃത്യർ ജ്വലിച്ചീടുവാൻ-ആത്മ തീയാൽ നീ അഭിഷേകം ചെയ്യണമെ

LyricFront