Ethra shubham ethra mohanam

Verse 1

എത്ര ശുഭം എത്ര മോഹനം സോദര- രൊത്തുവസിപ്പതോർത്താൽ ഹാ! ഹാ! സീയോൻ ഗിരിയതിൽ പെയ്യുന്ന മഞ്ഞുപോൽ എത്ര മനോഹരമേ ഹാ! ഹാ!

Verse 2

ഏകപിതാവിന്റെ മക്കൾ നാം യേശുവിൽ ഏകാവകാശികൾ നാം ഹാ! ഹാ! ഏകാത്മ സ്നാനത്താൽ ഏകശരീരത്തിന്നംഗങ്ങളായവർ നാം ഹാ! ഹാ!

Verse 3

ക്രിസ്തുവിൻ നിസ്തുല സ്നേഹച്ചരടതിൽ കോർത്തുള്ള മുത്തുകൾ നാം ഹാ! ഹാ! മൃത്യുവോ ജീവനോ ഒന്നുമേ നമ്മെ വേർപ്പെടുത്താവതല്ല ഹാ! ഹാ!

Verse 4

വിട്ടുപിരിയേണ്ട മന്നിൽ നാം കൂടുമ്പോൾ ഇത്രസന്തോഷമെങ്കിൽ ഹാ! ഹാ! വിട്ടുപിരിയാത്ത വീട്ടിൽ നാം എത്രയത്യാനന്ദമേ! ഹാ! ഹാ!

LyricFront