Kaividillenneyen kartthaave nee

Verse 1

കൈവിടില്ലെന്നെയെൻ കർത്താവേ നീ കൈവിട്ടാൽ പിന്നെയൊന്നാശ്രയിക്കാൻ വേറേ ആരുമില്ലഴിയിൽ കർത്താവേ! എനിക്കാരു-മില്ലൂഴിയിൽ കർത്താവേ!

Verse 2

കൈവിടുകില്ല ഞാനൊരുനാളുമെന്നുള്ള വാക്കെനിക്കുള്ളതിൽ വിശ്വസിക്കുന്നു ഞാൻ വാനവും ഭൂമിയും മാറുമെന്നാകിലും വാനവവാഗ്ദത്തം മാറുന്നതല്ലല്ലോ

Verse 3

എന്നുടെ വിഷമങ്ങൾ വ്യക്തമായറിയുവാൻ നിന്നെപ്പോലില്ലെനിക്കാരുമെൻ ദൈവമേ ഉറ്റവരായാലും ഉത്തമരായാലും തെറ്റിദ്ധരിപ്പതീ മർത്ത്യസ്വഭാവമാം

Verse 4

മർത്ത്യരെന്നാവശ്യമെന്തിന്നറിയുന്നു? നിത്യദയാനിധേ! നീയറിഞ്ഞാൽ മതി അറിഞ്ഞു നീ നൽകുന്ന തിമ്പമോ തുമ്പമോ അനുഗ്രഹമാണെനിക്കതു മതിയെപ്പോഴും

Verse 5

ഒന്നിലുമേലൊന്നായ് വന്നിടുന്നെൻ മുമ്പിൽ കുന്നുപോൽ വൻ തിരമാലകൾ ക്ലേശങ്ങൾ നീ കനിഞ്ഞാൽ മതിയൊന്നു ചൊന്നാൽ മതി ഭീകരദുരിതങ്ങളാകെയമർന്നുപോം

Verse 6

എത്ര നിസ്സാരമായ കാര്യമാണെങ്കിലും എന്നെക്കൊണ്ടാവില്ല സാധിപ്പാൻ ദൈവമേ! ഏതിനും നിൻതുണ വേണമെന്നരവും ഏഴയെൻ ബലമെല്ലാം നിന്നിലാണേശുവേ!

LyricFront