Kalangenda maname karuthuvan

Verse 1

കലങ്ങേണ്ട മനമേ കരുതുവാൻ നിനക്കായ് അരികിൽ പൊന്നേശുവുണ്ട് വിശ്വാസപടകിൽ ഓളങ്ങളേറുമ്പോൾ ആകുലം വേണ്ടിനിയും

Verse 2

ഒഴുക്കുകൾക്കെതിരെ നീ തുഴഞ്ഞീടുമ്പോൾ കരം കുഴഞ്ഞേറ്റവും വലഞ്ഞീടുമ്പോൾ ഉണ്മയിൽ വഴി നടത്താൻ ഉയിർതന്നോരുടയോനില്ലേ അവൻ നല്ലയിടയനതാൽ

Verse 3

വൈരികൾ നിൻ ഗതിയടച്ചിടുമ്പോൾ വൈഷമ്യവേളകൾ പെരുകിടുമ്പോൾ പുതുവഴി തുറന്നു തരും പുതുബലം പകർന്നു തരും അവൻ നിന്നെ അറിയുകയാൽ

Verse 4

രോഗങ്ങളാൽ മേനി ക്ഷയിച്ചിടുമ്പോൾ ശോകങ്ങളാൽ മനം തകർന്നിടുമ്പോൾ വല്ലഭൻ നൽ-സഖിയായ് തിരുകൃപ നിനക്കു മതി അവൻ നിന്റെ അഭയമതാൽ

Verse 5

ശാന്തമാം തുറമുഖത്തണയുവോളം ശക്തനാം നാഥൻ നിന്നമരക്കാരൻ ഇതുവരെ നടത്തിയവൻ ഇനിയെന്നും മതിയായവൻ അവൻ നിന്നെ പുലർത്തുകയാൽ

LyricFront