Kanivin karangal neettenaame

Verse 1

കനിവിൻ കരങ്ങൾ നീട്ടേണമേ അലിവായ് നീ എന്നിൽ നിറയേണമേ അകതാരിലെ എന്റെ അകൃത്യങ്ങളെല്ലാം അകറ്റേണമേ എന്നെ കഴുകേണമേ

Verse 2

ഇരുൾ നിറഞ്ഞീടുന്ന താഴ്വരയിൽ വന്ന് ഇരുളാകെ നീക്കുന്ന നല്ലിടയാ മനം നൊന്തു കേഴുമ്പോൾ ഹൃദയം തകരുമ്പോൾ മനസ്സലിവിൻ നാഥാ സുഖമേകണേ

Verse 3

ഭാരങ്ങൾ ഏറുന്ന ഈ മരുയാത്രയിൽ ഭാരം വഹിക്കുന്ന സർവ്വേശ്വരാ ആഴിയിൻ അലകളാൽ തോണി ഉലയുമ്പോൾ അഖിലാണ്ഡ നാഥാ അരികിൽ വരു

Verse 4

രോഗങ്ങളാൽ ദേഹം തളർന്നിടും വേളയിൽ രോഗസൗഖ്യം നൽകും സ്നേഹരൂപാ വൈരികൾ ഏറുമ്പോൾ വഴികൾ അടയുമ്പോൾ വിടുതലിൻ ദൈവമേ തുണയേകണേ

LyricFront