Kanunnuvo kaalvariyil

Verse 1

കാണുന്നുവോ കാൽവറിയിൽ മനുജനായി അവതരിച്ചൊരു ദൈവം അതിഘോരമാം വേദനയാൽ നുറുങ്ങിടിലും പാപം ക്ഷമിച്ചിടുന്നു

Verse 2

സർവ്വം ചമച്ചവൻ സർവ്വത്തിനും നാഥൻ നിന്നിടുന്നു ഒരു കുഞ്ഞാടെപ്പോൽ കോമളരൂപനെ വിരൂപനാക്കിയോരീ മർത്യനെന്നെയും മിത്രമാക്കി

Verse 3

ജീവൻ ഉറവ് തുറന്നു ദാഹമകറ്റിയോൻ കാൽവറിയിൽ കേണൂ ദാഹ ജലത്തിനായ് കുടിപ്പാൻ കയ്പ്പ് നൽകി ഈ മഹാപാപി എന്നെയും പുത്രനാക്കുവാൻ അണിഞ്ഞു നീ മുൾമുടി

Verse 4

രോഗത്താൽ വലഞ്ഞ എന്നെ കൈകളാൽ വഹിച്ച തൻ കൈകളിൽ നൽകി ഞാൻ കാരിരുമ്പാണികൾ ഘോരമായ് നിന്ദിച്ചൊരാപരാധയെന്നെയും വീണ്ടെടുക്കുവാൻ വെടിഞ്ഞു നിൻ പ്രാണനും

Verse 5

നിന്ദയാൽ കൂനിയ എന്നെ നന്മയാൽ നിറച്ച തൻ മേനിയിൽ ഏകി ഞാൻ ഉഴവുചാലുകൾ ഹീനമായി മർദ്ദിച്ചൊരു അകൃത്യനാമെന്നെയും ശുദ്ധനാക്കുവാൻ ചൊരിഞ്ഞു തൻ രക്തവും

LyricFront