Karthaven nalloridayan

Verse 1

കർത്താവെൻ നല്ലോരിടയൻ വത്സലനാം നായകനും താൻ തൻ കൃപയാൽ മേച്ചിടുമെന്നെ: കുറവേതുമെനിക്കില്ലതിനാൽ

Verse 2

പച്ചപ്പുൽ തകിടികളിൽ താൻ വിശ്രാന്തിയെനിക്കരുളുന്നു നിശ്ചലമാം നീർച്ചോലയതിൻ സവിധത്തിൽ ചേർത്തിടുമെന്നെ

Verse 3

എൻ പ്രാണനു ശീതളമാകും തിരുനാമമതോഓർമിച്ചെന്നെ നേർവഴയിൽ തന്നെ നയിപ്പൂ കുറവേതുമെനിക്കില്ലതിനാൽ

Verse 4

ഇരുൾ മൂടീയ സാനുവിലും ഞാൻ ഭയമെന്തെന്നറിയുന്നീലാ ചെങ്കോലും ശാസകദണ്ഡും എൻ കാലിൻ മാർഗ്ഗമതാകും

Verse 5

ശത്രുക്കൾ കാൺകെയെനിക്കായ് പ്രത്യേക വിരുന്നുമൊരുക്കി അവിടുന്നെൻ മൂർധാവിൽ താൻ തൈലത്താലഭിഷേകിച്ചു

Verse 6

കവിയുന്നെൻ ചഷകം നിത്യം അവിടുന്നെൻ നല്ലോരിടയൻ കനിവായ് താൻ സ്നേഹിച്ചിടുമെൻ കർത്താവും നാഥനുമങ്ങ്

Verse 7

നൽവരവും കൃപയും നിത്യം പിൻതുടരും സുതനാമെന്നെ കർത്താവിൻ ഭവനം തന്നിൽ പാർത്തിടും ചിരകാലം ഞാൻ

LyricFront