Karthavine naam sthuthikka

Verse 1

കർത്താവിനെ നാം സ്തുതിക്ക ഹേ! ദൈവമക്കളേ സന്തോഷത്തിൽ നാം അർപ്പിക്ക സ്തോത്രത്തിൻ ബലിയെ

Verse 2

നാം സ്തോത്രം സ്തോത്രം സ്തോത്രം കഴിക്ക സ്തോത്രം സ്തോത്രം നാം സ്തോത്രം കഴിക്ക

Verse 3

വിശുദ്ധ സ്നേഹബന്ധത്താൽ ഒരേ ശരീരമായ് നാം ചേർക്കപ്പെട്ടതാകയാൽ ചേരുവിൻ സ്തുതിക്കായ്

Verse 4

പിതാവു ഏകജാതനെ നമുക്കു തന്നല്ലോ ഹാ! സ്നേഹത്തിൻ അഗാധമേ നിന്നെ ആരായാമോ?

Verse 5

നാം പ്രിയപ്പെട്ട മക്കളായ് വിളിച്ചപേക്ഷിപ്പാൻ തൻ ആത്മാവെ അച്ചാരമായ് നമുക്കു നൽകി താൻ

Verse 6

ഒരേദൻ തോട്ടം പോലിതാ തൻ വചനങ്ങളാം വിശിഷ്ടഫലം സർവ്വദാ ഇഷ്ടംപോൽ ഭക്ഷിക്കാം

Verse 7

ഈ ലോകത്തിൻ ചിന്താകുലം ദൈവശ്രിതർക്കില്ല തൻ പൈതങ്ങളിൻ ആവശ്യം താൻ കരുതും സദാ

Verse 8

കർത്താവിൻ നാമം നിമിത്തം അനേക കഷ്ടവും നേരിടുമ്പോഴും ധന്യർ നാം ഇല്ലൊരു നഷ്ടവും

Verse 9

ഈ വിതയ്ക്കുന്ന കാലം നാം ചിലപ്പോൾ കരയും പിതാവോ കണ്ണുനീരെല്ലാം തുടച്ചുകളയും

Verse 10

തൻനിത്യരാജ്യം നൽകുവാൻ പിതാവിനിഷ്ടമായ് തൻമുഖത്തിൻ മുമ്പാകെ താൻ നിർത്തും തൻസ്തുതിക്കായ്

LyricFront