Karunyapurakkadale karalaliyuka dina

Verse 1

കാരുണ്യപൂരക്കടലേ! കരളലിയുക ദിനമനു

Verse 2

കാരണനായ പരാപരനേയെൻ മാരണകാരി മഹാസുരശീർഷം തീരെയുടച്ചു തകർപ്പതിനായി- ദ്ധീരതയോടവനിയിലവതരിച്ചൊരു

Verse 3

പാപമതാം ചെളി പൂണ്ടുടലാകെ ഭീകരമായ വിധം മലിനത്വം ചേർന്നു വിരൂപതയാർന്നൊരിവന്നു ചേരുവാൻ നിന്നരികതിൽ ഭാഗ്യമുണ്ടായി

Verse 4

നിൻ വലങ്കൈ നിവർത്തെന്നെത്തലോടി നിൻമുഖത്താലെന്നെ ചുംബനം ചെയ്തു നിന്നുടെയെനിക്കേകി മോതിരം ചെരിപ്പു മന്നുമിന്നുമൊന്നുപോലെ കാത്തുപോറ്റുന്നെന്നെ

Verse 5

പന്നികൾ തിന്നുന്ന തവിടു ഭുജിച്ച നിന്ദ്യമാം കാലങ്ങൾ മറന്നുപോയ് സാധു മന്നവനേ തിരുമേശയിൽ നിന്നു സ്വർന്നഗരഭോജനം ഞാൻ തിന്നുവരുന്നിന്നും

Verse 6

ആർക്കുമതീവ മനോഹരമാം നിൻ സ്വർഗ്ഗ യെരൂശലേം മാളികയിൽ ഞാൻ ദീർഘയുഗം വസിച്ചാനന്ദ ബാഷ്പം വീഴ്ത്തിയാലും നിൻ കരുണയ്ക്കതു ബദലാമോ?

Verse 7

ജീവപറുദീസിന്നാനന്ദക്കുയിലേ! ജീവവസന്തർത്തുവാരംഭിച്ചില്ലേ? ജീവവൃക്ഷക്കൊമ്പിൻ മീതിലിരുന്നു ജീവമൊഴി മധുരമായ് പാടുക നീ ദിനവും

LyricFront