Konduva konduva nee

Verse 1

കൊണ്ടുവാ കൊണ്ടുവാ നീ പാപികളെ കൊണ്ടുവാ കൊണ്ടുവാ നീ

Verse 2

രണ്ടെജമാന്മാരെ സേവി- ച്ചിണ്ടലെന്യേ വസിക്കാമെ- ന്നുള്ള കൊണ്ടു നിനയ്ക്കുന്ന കള്ളരെ പിടിച്ചിവിടെ കൊണ്ടുവാ...

Verse 3

അസ്സലായി കഴിയേണം ഡ്രസ്സു നന്നായിരിക്കേണം വസ്തുതന്നെ ദൈവമെന്നു തീർത്തു രയ്ക്കും ശഠന്മാരെ കൊണ്ടുവാ...

Verse 4

പുള്ളിമൃഗക്കണ്ണിയുടെ-കള്ളമാർന്ന പുഞ്ചിരിയെ ഉള്ളുയരും ഭാഗ്യമെന്നു തുള്ളിയാടും വിടന്മാരെ കൊണ്ടുവാ...

Verse 5

അക്രമമായാശമൂത്തി-ട്ടർത്ഥമെന്തെന്നറിയാതെ ചക്രമെന്നു കേൾക്കെ തല- ചെക്കിട്ടിക്കും ലോഭികളെ കൊണ്ടുവാ...

Verse 6

അപ്പനമ്മമാർ പറയും ദുഷ്പ്രവൃത്തിക്കെരിവേറി ശിൽപ്പമോടെ നടക്കുന്ന- ശപ്പരാകും ബാലകരെ കൊണ്ടുവാ...

Verse 7

വഞ്ചിപ്പാൻ വിരുതുള്ള - വഞ്ചകിയാമിസ്സബേലിൻ നഞ്ചുകുടിപ്പാൻ മുറിയിൽ - തഞ്ചിനിൽക്കും യുവാക്കളെ കൊണ്ടുവാ...

Verse 8

സ്ത്രീജനത്തിൻ മിത്രമായ സൂപദേശം കൊടുക്കുന്ന ഭാവമതു നടിച്ചിടും പാപികളെത്തിരഞ്ഞിങ്ങു കൊണ്ടുവാ...

Verse 9

ജോലിമൂലം വേദവാക്യ-ശോധനത്തിന്നിടയില്ലെ ന്നേതുമൊരു നാണം കൂടാ തോതിടുന്നു ജഡന്മാരെ കൊണ്ടുവാ...

Verse 10

ദൈവപക്ഷം മാത്രമോതി-ചെയ്തിന്നു പണിയേറും നവ്യമാം മനുഷ്യപക്ഷം കൈമറിക്കും വൈദികരെ കൊണ്ടുവാ...

Verse 11

വേല വേലയെന്നു ചൊല്ലി-വേലിയില്ലാ സ്ഥലം പോലെ നാലുപാടും തുറന്നുള്ള ജാല സുവിശേഷകരെ കൊണ്ടുവാ...

Verse 12

ഭക്തിയും വൻ ഭക്തികേടും - ചേർത്തിളക്കിത്തരം പോലെ ചെപ്പടിക്കളി നടത്തും സഭ്യരല്ലാക്ഖലന്മാരെ കൊണ്ടുവാ...

Verse 13

മൂഢരാമിവരെപ്പിടിച്ചൂടു പാടെ വരിഞ്ഞെരി ഞ്ഞടുമഗ്നിക്കടലിന്റെ-ചൂടിലേക്കെറിഞ്ഞീടുവാൻ കൊണ്ടുവാ...

Download Song