Krushin sneham ortheedumpol

Verse 1

ക്രൂശിൻ സ്നേഹം ഓർത്തീടുമ്പോൾ എന്റെ ഉള്ളം നിറഞ്ഞിടുന്നു ദൈവ സ്നേഹം ആശ്ചര്യമേ അതിൻ ഓർമ്മ പാവനമേ(2)

Verse 2

വെറും വാക്കു കൊണ്ടു നിൻ സ്നേഹം വർണ്ണിക്കുവാൻ സാദ്ധ്യമല്ല എൻ പ്രിയമുള്ള രക്ഷകനേ നന്ദി യേശുവേ (8)

Verse 3

ഒരു നറു പൂവിനെ ഞെരിച്ചമർത്തും പോലെ നിൻ ദേഹം ക്രൂരമായ് തകർത്തുവോ കാൽ കരം തുളച്ച കാരിരുമ്പാണിയിൽ ദൈവത്തിൻ കുഞ്ഞാടേ നീ പിടഞ്ഞോ

Verse 4

സാക്ഷാൽ നീ എന്റെ വേദന ചുമന്നു നിൻ അടിപ്പിണരിൽ ഞാൻ സൗഖ്യമായി എൻ സമാധാനത്തിൽ ശിക്ഷ നീ സഹിച്ചു നിൻ നിണത്താൽ ഞാൻ ശുദ്ധനായി... (വെറും വാക്കു…)

Verse 5

നിൻ മരണം മാത്രമല്ല നിൻ പുനരുത്ഥാനവും ഓർക്കുന്നു ഞാൻ മരണത്തെ ജയിച്ച് സാത്താനെ തോൽപ്പിച്ച ഉയർപ്പിൻ ജയ ഘോഷം പാടുന്നു ഞാൻ

Verse 6

അധികാരം നിനക്ക് വാഴ്ചയും നിനക്ക് രക്തത്താൽ വാങ്ങിയ സകലവും നിനക്ക് ഭയമിനി ഇല്ല ദുഃഖവും ഇല്ല യേശു എന്നെ സ്വന്തമാക്കിയതാൽ... (വെറും വാക്കു...)

LyricFront