Malpriyane idharayil ninnu nin

Verse 1

മൽപ്രിയനെ ഇദ്ധരയിൽ നിന്നു നിൻ ശുദ്ധരെ ചേർത്തിടേണേ

Verse 2

നാളുകൾ ഏറെയായ് നാഥനെ ആഗമമോർത്തു നിൻ ദാസരും പാർത്തലത്തിൽ കഷ്ടമേറ്റു ആർത്തിപൂണ്ടു നിന്നിടുന്നു പാർത്ഥിവാ നീ വന്നീടണെ വേഗമായ്

Verse 3

വേഗം ഞാൻ വന്നിടാമെന്ന നിൻ വാർത്തയിൽ ആശ്രയം വച്ചതാൽ ഭൂതലത്തിലുള്ള സ്വന്ത ഗേഹവും വെടിഞ്ഞു സ്വന്ത ജീവനും പകച്ചു എത്ര ത്യാഗികൾ

Verse 4

പൊൻമുഖം കാണുവാൻ ആശയായ്- കാത്തുകൊണ്ടെത്രയോ സിദ്ധരും സ്നേഹത്തിൽ വിശുദ്ധിയോടു സൗമ്യതക്കിരിപ്പിടമായ് ശാന്തരായ് ഒരുങ്ങി നിൽക്കുന്നേകമായ്

Verse 5

സർവ്വസൃഷ്ടികളും ഏകമായ് തേങ്ങിടും രോദനം കേൾക്കണേ രക്ഷകാ നീ വന്നിടതെ ഇക്ഷിതിയിലെന്ത‍ു ശാന്ത‍ി -ക്ഷിപ്രമായ് എഴുന്നള്ളണമേശുവേ

Verse 6

പുത്തനെരുശലേം ശോഭയായ് വിണ്ണൊളി വീശുന്ന ദർശനം നിത്യവും ലഭിച്ചു സ്വന്തചിത്തവും പരത്തിലാക്കി സ്വർഗ്ഗലോകം നോക്കി ഞാനും ഓടുന്നേ

LyricFront