Manavarkku raksha nalkaan swarggalokam

Verse 1

മാനവർക്കു രക്ഷ നൽകാൻ സ്വർഗ്ഗലോകം വിട്ട വാനവനേ! യേശുനാഥാ! നമസ്കാരം

Verse 2

ദീനരിൽ കനിവു നിന്നെപ്പോലെ-യാർക്കുംകാണ്മാ നാവതല്ലേ മൂവുലകു തേടിയാലും

Verse 3

സത്യപാതയെന്തെന്നറിയാതെ നിന്റെ പല പുത്രരയ്യോ! മരുഭൂവിലുഴലുന്നു

Verse 4

നിത്യകൈകൾ കൊണ്ടവരെ താങ്ങി ദൈവ- ലോക മെത്തുവോളം നടത്തുക നസ്രിനാഥാ!

Verse 5

അന്ധകാരം ചുഴന്നൊരീ ഭൂവന-ത്തിൽ നിന്റെ ബന്ധുരമൊഴിയാലൊളിവീശുമല്ലോ

Verse 6

ക്ഷീണരാകുമടിയങ്ങൾ ശക്തരാവാൻ സ്വർഗ്ഗ ഭോജനമരുൾക ദേവാ ദിനം തോറും

Verse 7

നിൻതിരുമുഖത്തിൻ കാന്തി തെളിയിക്ക ഞങ്ങൾ ക്കന്തരംഗം കുളിർക്കുവാൻ തക്കവണ്ണം

Verse 8

സ്വാദെഴുന്ന പാലിനോടു പട-യേൽക്കും തവ ഗീരുകൾ കേൾപ്പതിന്നാശ വളരുന്നു

Verse 9

ശ്രദ്ധയോടു നിൻമൊഴികൾ കേട്ടു ഞങ്ങൾനിന്നിൽ ശക്തിയുക്തരാകുവതിന്നരുളേണം

Verse 10

ഉളളിലേറ്റമനൽതട്ടി ജഡ-ശൈത്യംനീങ്ങാൻ വല്ലഭനേ! ചൊരിക നിൻ ആത്മികാഗ്നി.

LyricFront