Maratha snehithan manuvel than

Verse 1

മാറാത്ത സ്നേഹിതൻ മാനുവേൽ തൻ തിരു മാറിടം ചാരിടും ഞാൻ ദിനവും പാരിടമാകവെ മാറിടും നേരവും ചാരിടാൻ തൻ തിരുമാറിടമാം

Verse 2

ഖേദമെന്നാകിലും മോദമെന്നാകിലും ഭേദമില്ലാത്തൊരു സ്നേഹിതനാണവൻ മേദിനിയിൽ വേദനകൾ ഏതിനമൊക്കെ-യെന്നറിഞ്ഞോൻ മാറാത്ത..

Verse 3

നിത്യതയോളവും സത്യകൂട്ടാളിയായ് ക്രിസ്തനല്ലാതെ-യില്ലാരുമീ ഭൂമിയിൽ മൃത്യുവിനാൽ മാറുമെത്ര- മിത്രമായാലും മർത്യരെല്ലാം മാറാത്ത..

Verse 4

ഭാരങ്ങളേറുമീ പാരിൽ നാൾതോറുമെൻ ഭാരം ചുമന്നിടും കർത്തനാ-ണേശുതാൻ ആത്മപ്രിയൻ നല്ലിടയൻ- ആദ്രതയെന്നെ പിൻതുടരും മാറാത്ത..

Verse 5

ആകെയിളകിടും ലോകമിതേകിടും ആകുല വേളകൾ ഭീകരമാകുമോ? ഹല്ലേലുയ്യാ- ഹല്ലേലുയ്യാ പാടുമെൻ ജീവകാലമെല്ലാം മാറാത്ത..

LyricFront