Nalla porattam poraadi ottam

Verse 1

നല്ല പോരാട്ടം പോരാടി ഓട്ടം ഓടിടാം വല്ലഭന്റെ നല്ല പാത പിൻതുടർന്നിടാം

Verse 2

ഭാരം പാപം തള്ളി ലക്ഷ്യം നോക്കി നേരെ മുന്നോട്ടോടി ഓട്ടം തികയ്ക്കാം

Verse 3

ഓട്ടക്കളത്തിലോടു-ന്നോരനേകരെങ്കിലും വിരുതു പ്രാപിക്കുന്നൊനേകൻ മാത്രമല്ലയോ

Verse 4

പിന്നിലുള്ളതൊക്കെയും മറന്നു പോയിടാം മുന്നിലുള്ള ലാക്കിലേക്കു നേരെ ഓടിടാം

Verse 5

ആശ ഇച്ഛയൊക്കവേ അടക്കി ഓടുകിൽ ആശവച്ച പന്തയപ്പൊരുൾ ലഭിച്ചിടും

Verse 6

ഏതു നേരത്തും പിശാചിടർച്ച ചെയ്തിടും ഭീതി വേണ്ട ദൂതരുണ്ടു കാത്തുകൊള്ളുവാൻ

Verse 7

കാടുമേടു കണ്ടു സംശയിച്ചു നിൽക്കാതെ ചാടി ഓടിപ്പോകുവാൻ ബലം ധരിച്ചിടാം

Verse 8

ഓട്ടം ഓടുവാനനേകർ മുൻ വന്നെങ്കിലോ ലോത്തിൻ ഭാര്യപോലെ പിന്നിൽ നോക്കി നിന്നു പോയ്

Verse 9

അങ്ങുമിങ്ങും നോക്കിയാൽ നീ മുന്നിൽ പോയിടാ ഭംഗമില്ലാതോടിയാൽ കിരീടം പ്രാപിക്കാം

Verse 10

ഓട്ടം തീരും നാൾ സമീപമായി കാഹളം കേട്ടിടാൻ സമയമായി വേഗം ഓടിടാം

Verse 11

ആദി ഭക്തരോട്ടം ഓടി വിശ്രമിച്ചിടും നാട്ടിൽ ചേർന്നു പാട്ടുപാടി ആനന്ദിച്ചിടാം

LyricFront