Namellarum onnai kooduvom nathane

Verse 1

നാമെല്ലാരും ഒന്നായ് കൂടുവോം നാഥനെക്കൊണ്ടാടിപ്പാടുവോം ഭൂതലത്തിൽ നമ്മെ ക്ഷേമമോടെ കാത്ത നായകനു സ്തോത്രം ആദരവായ് പാടുവോം

Verse 2

ഹല്ലേലുയ്യാ ഗീതം പാടിടാം അല്ലലെല്ലാം മാറിപ്പോകുമേ വല്ലഭൻ നമുക്ക് നല്ലവനായ് ഉണ്ട് എല്ലാ ദാനങ്ങളും ചെയ്തരുളുമെന്നുണ്ട്

Verse 3

വാദ്യഘോഷത്തോടെ ഏകമായ് വാനവർ സ്തുതിക്കും നാഥന്റെ വന്ദ്യതിരുപാദം എല്ലാവരും തേടി മന്ദതയകന്നു ഇന്നുമെന്നും പാടുവോം

Verse 4

ഏറും ഖേദമെത്രയെന്നാലും എല്ലാറ്റെയും വിലക്കിയല്ലോ ഏഴകളിൻ ഭാരം ഏതും ചുമക്കുന്ന ഏക കർത്താവിന് സാദരം നാം പാടുവോം

Verse 5

എല്ലാവിധ ആവശ്യങ്ങളും നല്ലതു പോൽ ചെയ്തു തരുന്ന എല്ലാമുട്ടും തീർത്ത നല്ല കർത്താവിനു എല്ലാവരും ചേർന്ന് ഹല്ലേലുയ്യാ പാടുവോം

Verse 6

ശത്രുവിന്നഗ്നിയസ്ത്രങ്ങളാൽ ശക്തിയറ്റു ക്ഷീണിച്ചീടുമ്പോൾ ശത്രുവേ ജയിച്ച കർത്തൻ നമുക്കുണ്ട് ശുദ്ധർകൂട്ടം നാമും നിത്യം സ്തുതി പാടുവോം

Verse 7

സർവ്വ ബഹുമാനം സ്തുതിയും ഉർവ്വിനായകനു മഹത്വം സർവ്വരും സ്തുതിക്കും സർവ്വവല്ലഭനു അല്ലും പകലും നാം ഹല്ലേലുയ്യാ പാടുവോം

LyricFront