Nin padam gathiye ennaalum sthuthiye

Verse 1

നിൻ പാദം ഗതിയെ എന്നാളും സ്തുതിയേ നിന്നെയെന്ന്യേ ആരെ പുകഴ്ത്തും-യേശുവേ ദിവ്യ സ്നേഹമുള്ളിൽ വന്നല്ലോ

Verse 2

പരിശുദ്ധനെ പരാപരനെ ഗുരുവെ കൃപയിൻ വരമരുൾക തേടിയതാൽ കണ്ടു നിന്നെ പാടുവാൻ പാട്ടുകൾ തന്നെനിക്കു

Verse 3

പുതുഎണ്ണയാൽ പുതുബലത്താൽ പുതുകൃപയും പുതുഗീതവും നൽകി നിത്യം നടത്തുന്നെന്നെ പുതിയതാം ശാലേമിൽ ചേരും വരെ

Verse 4

ഞെരുക്കത്തിൽ ഞാൻ നിന്നെ വിളിച്ചു അരികിലണച്ചു നടത്തിയെന്നെ ദേശമെങ്ങും അലഞ്ഞിടാതെ തീവ്രമായ് വന്നെന്നെ താങ്ങിയല്ലോ

Verse 5

ഫലം തരും നൽമുന്തിരി നീ കൊമ്പായടിയൻ ചേർന്നു നിൽക്കും വെടിപ്പാക്കും നീ ചെത്തിയെന്നെ കർത്തനെ നിത്യവും പരിപാലിക്കും

Verse 6

എന്നരുമനാഥനെയെൻ ജീവനെ ദിവ്യനായകനെ സ്നേഹിക്കുന്നേ യേശുവെ നിൻ സ്നേഹമുഖമെന്നു കണ്ടീടുമോ

Verse 7

പരിപൂർണ്ണമായ് പുകഴിടമായ് പരിപാവനമാം കൊടുമുടിയിൽ വേഗമായ് ഞാൻ ചേർന്നിടുമേ സീയോനെ വാഞ്ഛയായ് കാത്തിടുന്നേ

LyricFront