Ninnishttam poleyen daivame

Verse 1

നിന്നിഷ്ടം പോലെയെൻ ദൈവമേ എന്നെ നടത്തണമെന്നുമേ കഷ്ടത വന്നാലും നിൻവഴി വിട്ടുപോകാതെന്നെ കാത്തിടണേ

Verse 2

മന്നിടത്തിൽ സങ്കടങ്ങൾ എന്നുള്ളത്തിൽ തിങ്ങിവിങ്ങിടുമ്പോൾ വല്ലഭാ നീയല്ലാതാരുമേ ഇല്ലെനിക്കാശ്വാസമായ്

Verse 3

ശത്രു തന്റെ കൂരമ്പുകൾ എത്രയും ശക്തിയായെയ്തിടിലും കർത്താവേ നിൻ പൊന്നുകൈകളിൽ ചേർത്തെന്നെ കാക്കുമല്ലോ

Verse 4

മിത്രരെന്നെ കൈവിട്ടാലും എത്ര പഴിച്ചു ദുഷിക്കുകിലും ക്രിസ്തേശുവേ നീയെനിക്കുള്ളതാൽ ഇല്ലൊരു ചഞ്ചലവും

Verse 5

എൻ പ്രിയാ നീ എന്നു വരും എൻ കണ്ണുനീരെല്ലാമെന്നു തീരും നിൻമുഖം നേരിൽ ഞാൻ കണ്ടല്ലാ- തെൻ കണ്ണീർ തോരുകില്ല

LyricFront