Njan en yeshuvil aashrayikkum

Verse 1

ഞാനെന്നേശുവിലാശ്രയിക്കും എന്റെ ജീവിത നാൾകളെല്ലാം(2) അവൻ എല്ലാറ്റിനും എനിക്കെല്ലാമത്രേ തന്നെ ഞാനെന്നെന്നും സ്തുതിക്കും

Verse 2

സ്തുതികൾക്കവൻ യോഗ്യനത്രെ മഹത്വത്തിനും പുകഴ്ചയ്ക്കുമേ സർവ്വ ഭൂസീമാവാസികൾക്കും വണങ്ങാനു-ള്ളോരേകനാമം അവനേ

Verse 3

തന്നിലാശ്രയിക്കുന്നവർക്കും തന്നെ ശരണമാക്കുന്നവർക്കും അവൻ കോട്ടയും പരിചയും തുണയ്ക്കുന്നോനും അതേ ആശ്വസിപ്പിപ്പവനും

Verse 4

എന്നെ കൈവിടുകില്ലയവൻ ഒരുനാളും ഉപേക്ഷിക്കില്ല ഇന്നീ കാണുന്ന വാനഭൂ മാറ്റപ്പെടും എന്നിൽ തൻ ദയ മാറുകില്ല

Verse 5

അഖിലത്തിനും ഉടമയവൻ സർവ്വശക്തനും അധികാരിയും അവനത്ഭുതമന്ത്രിയും വീരനാം ദൈവവും നിത്യ പിതാവുമത്രേ

Verse 6

അതിശ്രേഷ്ഠൻ ഈ ദൈവം എന്നെ അന്ത്യത്തോളവും വഴിനടത്തും എന്റെ ഭാരങ്ങളൊക്കെയും താൻ വഹിക്കും എന്ന വാഗ്ദത്തം തന്നിട്ടുണ്ട്

Verse 7

നിത്യവാസസ്ഥലം ഒരുക്കി അവൻ തേജസ്സിൽ വെളിപ്പെടുമേ തന്നെ എതിരേൽക്കുവാൻ ഞാനും ഒരുങ്ങിനിൽക്കും അതുവേഗത്തിൽ നിറവേറുമേ

LyricFront