Njan yahovaye ella nalilum vazhthidum

Verse 1

ഞാൻ യഹോവയെ എല്ലാ നാളിലും വാഴ്ത്തീടും തൻ സ്തുതി എപ്പോഴും എൻ നാവിന്മേലുണ്ട്

Verse 2

എന്റെയുള്ളം യാഹിൽ പ്രശംസിച്ചിടുന്നു എന്റെ മാനസം പ്രിയനിൽ ആനന്ദിക്കുന്നു

Verse 3

തന്നിൽ മാത്രം നോക്കിടുന്നോർ ശോഭിതരായ്ത്തീരും ആയവർ മുഖം തെല്ലും ലജ്ജിക്കയില്ല

Verse 4

യാഹ് നല്ലവൻ അതേ ആസ്വദിച്ചറിവിൻ തന്നിലാശ്രയിച്ചിടുന്നോർ ഭാഗ്യമേറിയോർ

Verse 5

നീതിമാന്മാരിൻ അപേക്ഷ കേട്ടിടുന്നീ ദൈവം കഷ്ടതയിലുറ്റ സഖി ഉദ്ധരിക്കുന്നോൻ

Verse 6

മാനസം തകർന്നവർക്കു രക്ഷ നൽകും ദൈവം ദുഃഖിതർക്കാശ്വാസമേകാൻ കൂടെയുണ്ടെന്നും

Verse 7

നീതിമാന്മാരിൻ അനർത്ഥം ഏറി വന്നെന്നാലും നീക്കുപോക്കു നൽകീടുന്നീ നിത്യനാം ദൈവം

Verse 8

ലോകത്തിൻ പ്രഭുക്കളിൽ ഞാനാശ്രയം വെയ്ക്കില്ല എൻ ദൈവം എന്റെ ആശ്രയം അതെത്രയുത്തമം

Verse 9

സങ്കീർത്തനം 34

LyricFront