Oppilla Thivya Anbe

Verse 1

ஒப்பில்லாத திவ்ய அன்பே மோட்சானந்தா தேவரீர் எங்கள் நெஞ்சில் வாசம்செய்தே அருள் பூர்த்தியாக்குவீர் மா தயாள இயேசு நாதா அன்பு மயமான நீர் நைந்த உள்ளத்தில் இறங்கி உம் ரட்சிப்பால் சந்திப்பீர்.

Verse 2

உமது நல் ஆவி தாரும் எங்கள் நெஞ்சு பூரிப்பாய் உம்மில் சார நீரே வாரும் சுத்த அன்பின் வடிவாய்; பாவ ஆசை எல்லாம் நீக்கி அடியாரை ரட்சியும்; விசுவாசத்தைத் துவக்கி முடிப்பவராய் இரும்.

Verse 3

வல்ல நாதா எங்கள்பேரில் மீட்பின் அன்பை ஊற்றுமே; விரைவாய் உம் ஆலயத்தில் வந்து என்றும் தங்குமே வானோர்போல நாங்கள் உம்மை நித்தம் வாழ்த்திச் சேவிப்போம்; ஓய்வில்லாமல் உமதன்பை பூரிப்பாய்க்கொண்டாடுவோம்.

Verse 4

உந்தன் புது சிஷ்டிப்பையும் சுத்த தூய்மையாக்குமேன்; உந்தன் திவ்விய ரசிப்பையும் பூரணப்படுத்துமேன்; எங்கள் கிரீடம் உம்முன் வைத்து அன்பில் மூழ்கிப் போற்றியும் மேன்மை மேலே மேன்மை பெற்று விண்ணில் வாழச் செய்திடும்.

Add to Setlist

Create New Set

Download Song

Login required