Paramathathante valamamarunna

Verse 1

പരമതാതന്റെ വലമമരുന്ന പരമ വത്സലാ പരമ വത്സലാ! നിൻ കുരുതികൊണ്ടു വീണ്ടെടുത്ത ജനത്തിൻ ദുരിതം കാണുക

Verse 2

ബഹുജനങ്ങളിൻ നടുവിൽ നിന്നു നിൻ സാക്ഷി ചൊന്നവർ സാക്ഷി ചൊന്നവർ നിന്റെ മഹത്വനാമത്തെ ദുഷിപ്പാനിഹ വൻ മൂലമായല്ലോ പരമ..

Verse 3

പരമസസ്നേഹാഗ്നിയെരിഞ്ഞനുദിനം ആനന്ദിച്ചവർ ആനന്ദിച്ചവർ - ഇതാ പെരുത്ത വ്യാകുലം പിടിച്ചഹോ മനം തണുത്തുപോകുന്നേ പരമ..

Verse 4

ബലിയായ് സർവ്വവും തൃപ്പാദത്തിങ്കൽ കാഴ്ച വച്ചവർ കാഴ്ചവച്ചവർ ഇപ്പോൾ ബലിപീഠത്തിൽ നിന്നകലെ മാറിക്കൊണ്ടാഴിഞ്ഞു പോകുന്നേ പരമ…

Verse 5

ഏറ്റം ജ്വലിച്ചു വെളിച്ചം കൊടുത്ത നിൻജനമിതാ നിൻ ജനമിതാ-പല കാറ്റിൻ ശക്തിയാലണഞ്ഞിരുണ്ടു കൂരിരുളായ് തീർന്നല്ലോ പരമ..

Verse 6

സുവിശേഷകരിൽ പലരിലും നാഥാ വേഷമേയുള്ളേ വേഷമേയുള്ളേ-ആത്മ ജീവൻ നിൻ ജനങ്ങളിൽ ദിനംതോറും കുറഞ്ഞു പോകുന്നേ പരമ…

Verse 7

ഈ വിധം ജനം ഇനിയും ജീവിച്ചാൽ നശിച്ചു പോകുമേ നശിച്ചുപോകുമേ - നിന്റെ ജീവ വചനമയച്ചു ജനത്തിൻ ജീവൻ നൽകുക പരമ...

LyricFront