Paraneshuve karunaanidhe varamekuka

Verse 1

പരനേശുവേ കരുണാനിധേ വരമേകുക ദമ്പതികൾ ക്കരുളണമേ കൃപയെ ദിനം പ്രതിമാരിപോൽ ദൈവജാതാ

Verse 2

തവ ദാസരാമിവരെകമത്യമോടെ വസിച്ചീടുവാനും അവസാനകാലമണഞ്ഞിടുംവരെ പ്രീതിയിൽ മേവതിന്നും

Verse 3

പരമാവിയാലിവരെ നിറയ്ക്ക് മഹോന്നതനെ ദിനവും തിരുനാമകീർത്തി സദാ നിനച്ചു തങ്ങൾ വസിച്ചിടുവാനും

Verse 4

പരനേശു തൻ പ്രിയയായ് തിരുസഭയെ വരിച്ചായതിന്നായ് മരണം സഹിച്ചതുപോലീദാസൻ തൻ പത്നിയെ ചേർത്തുകൊൾവാൻ

Verse 5

തവ ദാസിയാമിവളും അനുസരിച്ചീടണം നിത്യവും തൻ ധവനെ പൂരാ സാറയും അബ്രാമിനെയന്നുപോൽ മോദമോടെ

Verse 6

പല മാറ്റവും മറിവും നിറഞ്ഞലോകെയിവർ നിത്യവും നിൻ അലിവേറ്റമുള്ളവയാം ചിറകടിചേർന്നു സുഖിപ്പതിന്നും

LyricFront