Pinnaale varika - kurishedutthen

Verse 1

പിന്നാലെ വരിക - കുരിശെടുത്തെൻ പിന്നാലെ നീ വരിക - നിന്നെ വെറുത്തെൻ പിന്നാലെ നീ വരിക

Verse 2

അനുപല്ലവി പിന്നാലെ നീ വരിക-പേയാടും ചന്ത വിട്ടു ഇന്നേരം മായലാഭം എല്ലാം ഉപേക്ഷിച്ചു നീ

Verse 3

ചരണങ്ങൾ 1. എന്നിൽ ആശ്രയിക്ക-എന്നിൽ അൻപുവയ്ക്ക എന്നുടെ ആത്മസഹായം-കേട്ടുകൊൾക മന്നിൽ ഗുരുവായ് വന്നേൻ-മഹത്വകർത്താവു ഞാനേ ഒന്നും വിടാതെ തടം-ഓരോന്നും നോക്കിക്കൊണ്ടെൻ (പിന്നാലെ..)

Verse 4

പാപപരീക്ഷ-ഭയമെന്യേ നീ ജയിക്ക താപം നിന്ദ ഹിംസകൾ - സർവവും സഹിക്ക രാപകൽ പരനോടു-രമിച്ചു ജപിച്ചു കൊൾക കോപം വെടിഞ്ഞെല്ലാർക്കും-ഗുണം ചെയ്ക തുനിവായി - (പിന്നാലെ..)

Verse 5

ചിന്ത നീ യെന്നുടേതു-ചേതസി ധരിക്ക സ്വന്ത ജഡ ഇച്ഛകൾ-ജയിച്ചൊഴിച്ചീടുക അന്തം ചിന്തിച്ചു നിന്നെ-അഖിലം വെറുത്തിരിക്ക സന്തതം തുടർന്നുവാ - സകല തലങ്ങളിലും - (പിന്നാലെ..)

Verse 6

സുഖമില്ലാത്തിടത്തും-ദുർഘട തലത്തും അകത്തു ഖേദിപ്പാൻ ഏക-നായ് നിന്നീടിലും പകലുള്ള വെളിച്ചത്തും-ഭ്രമമുള്ള ഇരുട്ടിലും തുകയോടെൻ തടം കണ്ടു-സൂക്ഷിച്ചു നടന്നെന്റെ (പിന്നാലെ..)

Verse 7

ധീരനായ്‌ വരിക-ചേർന്നു പിൻവരിക പാരം സന്തുഷ്ടനായി-പരസ്യമായ് വരിക വേറെക്കാണുന്നവരെ-വിളിച്ചുകൂട്ടി വരിക നേരെ കൂട്ടരോടെല്ലാം-സ്നേഹം കാണിച്ചുകൊണ്ടെൻ (പിന്നാലെ..)

Verse 8

പാപിയായാലും-പകച്ചോനായാലും താപിയാകാതെ നീ വാ-ദയയോടു വിളിച്ചേൻ പാപികളെ രക്ഷിപ്പാൻ-പരമ കാനാനിൽ ചേർപ്പാൻ ശാപം ചുമന്നു തീർത്തേൻ-സമയം പോയീടും മുൻ (പിന്നാലെ..)

LyricFront

Pinnaale varika - kurishedutthen

Add to Setlist

Pinnaale varika - kurishedutthen

Add to Setlist

Create New Set

Download Song

Login required