Pranapriyan eppol varum vaana

Verse 1

പ്രാണപ്രിയൻ എപ്പോൾ വരും വാനമേഘത്തിൽ എന്റെ പ്രത്യാശ ഭവനത്തിൽ എന്നു ചേരുമോ

Verse 2

പാരിലന്യൻ പരദേശിഞാൻ നിൻവരവു കാത്തു ഞാൻ-ആ വാഗ്ദത്തനാട്ടിൽ ചേരുവാൻ നോക്കി പാർക്കുന്നേ-എൻപ്രിയാ

Verse 3

ചൂടേറും ഈ മരുയാത്ര തീർന്നു ശോഭിത നാട്ടിൽ ചേർന്നീടും-ആ നിത്യ സൗഭാഗ്യം ഓർത്തു ഞാൻ പാടിമോദിക്കും-എൻ പ്രിയാ

Verse 4

ആരും സഹായം ഏകിടാത്ത നേരം യേശുരക്ഷകൻ എന്റെ സഹായ സങ്കേതം എന്റെ രക്ഷയും-കോട്ടയും

Verse 5

നീറിപുകഞ്ഞ മാനസത്തിൽ കരഞ്ഞു കണ്ണീർ തൂകുമ്പോൾ തൻ കരങ്ങളാൽ തുടച്ചവൻ പകരും ആശ്വാസം-എന്നുമേ

Verse 6

ലോകം പഴിച്ചു ദുഷിക്കുമ്പോൾ പ്രിയരെല്ലാരും ത്യജിക്കുമ്പോൾ സഹിച്ചു നിൽപ്പാൻ നൽകുക നിൻ മനസ്സിനെ-എൻ പ്രിയാ

Verse 7

ചിരിച്ചുകാട്ടും പൊയ്മുഖങ്ങൾ പെയ്തു വീഴ്ത്തും വിഷമഞ്ഞിൽ നശിച്ചു പോകാനൊരിക്കലും നീ അനുവദിക്കാതെ-എൻ പ്രിയാ

Verse 8

ദൈവതേജസ്സ് തിങ്ങിവിളങ്ങും ദിവ്യനഗരം പൂകിഞാൻ-ആ വിശുദ്ധർ കൂട്ടം ചേർന്നു നിന്നു പ്രിയനെ വാഴ്ത്തുമേ-നിത്യമായ്

LyricFront