രാജാധി രാജനേ ദേവാധി ദേവനേ ഉന്നത ദൈവമേ സ്വർലോക നാഥനേ സർവ്വവും സമർപ്പിച്ചു ഞാൻ വന്ദിച്ചിടുന്നു ആരാധന സ്തുതി ഹല്ലേലുയ്യ ആരാധ്യനേ ജയം ഹല്ലേലുയ്യ

വന്ദനം വന്ദനം വന്ദനം എന്നുമേ നന്ദിയോടെന്നും വന്ദനം വന്ദനമേ

ധനവും ജ്ഞാനവും ശക്തിയും മാനവും ബലവും സ്തോത്രവും സർവ മഹത്വവും; സ്വീകരിപ്പാൻ യോഗ്യനെന്നും നീ മാത്രമേ(2) എൻ ദൈവമേ പുകഴ്ത്തിടുന്നു ഞാൻ എൻ യേശുവേ ഉയർത്തിടുന്നു ഞാൻ(2) വന്ദനം..

ആഴിയും ഊഴിയും വാനവും മേഘവും സൂര്യനും ചന്ദ്രനും നക്ഷത്രഗണങ്ങളും; സർവ്വവും നിൻ നൽ മഹത്വം ഘോഷിച്ചിടുന്നു(2) ഏക ദൈവമേ മഹിമ ധാരിയേ സത്യ ദൈവമേ നിത്യ രാജാവേ(2) വന്ദനം..

എന്നുടെ കണ്ണിനെ കണ്ണീരിൽ നിന്നും എന്നുടെ കാൽകളെ വീഴ്ചയിൽ നിന്നും; എന്നുടെ പ്രാണനെ മൃത്യുവിൽ നിന്നും വീണ്ടെടുത്തല്ലോ(2) ദൈവകുഞ്ഞാടേ അറുക്കപ്പെട്ടുവോ ജാതിയിൽ നിന്നും എന്നെവിലയ്ക്കു വാങ്ങിയോ(2) വന്ദനം..