Raksha tharunnoru daivathin

Verse 1

രക്ഷ തരുന്നൊരു ദൈവത്തിൻ കൈകൾ നിർദ്ദയമെന്ന വിധംതോന്നും ശിക്ഷണമായവൻ ചെയ്തിടുമ്പോൾ ബഹുകർക്കശമായ് വിളങ്ങും

Verse 2

ഭീരുതയാൽ പരിശോധനയിനിമേൽ വേണ്ടയെന്നോതിടും നാം എന്നാൽ പാരിന്നധീശ്വരൻ കാരുണ്യവനെന്നു കണ്ടിടും നാമൊടുവിൽ

Verse 3

സഹ്യമല്ലൊട്ടുമേ വേദനയെന്നിഹ കല്ലുകൾ ചൊല്ലുകിലും-അവ മന്ദിരത്തിൻ പണിക്കൊത്തിടുവാനതു ചെത്തുന്നു ശിൽപ്പിവരൻ

Verse 4

രൂപമില്ലാ വെറും കല്ലിതു മന്ദിരേ യുക്തവും ചന്തവുമായ്-ചേർന്നു നിത്യയുഗം നിലനിൽക്കുവാനീ വിധം ചെത്തുന്നു ശിൽപ്പിവരൻ

Verse 5

കാൽകളിൻ കീഴ്മെതിയുണ്ടു കിടന്നിടും കററയാം തന്റെ ജനം-പീഢാ കാലമതിൽ കനകാഭ കലർന്നിടും നന്മണികൾ തരുമേ

Verse 6

മർദ്ദനമേൽക്കവേ ശോഭയെഴും രസം മുന്തിരി നൽകിടുമേ-ദൈവം മർത്യനാമെന്നുടെ ഓഹരിയാകുകിൽ സത്ഫലമേയെനിക്കു

Verse 7

ഏഴുമടങ്ങെഴും ചൂളയിലാകിലോ കീടമെല്ലാമുരുകി ശുദ്ധ പൊന്നുപൊലാകും ഞാൻ ദൈവമേ നിൻവിധി ന്യായവും സത്യവുമേ

Verse 8

എന്തതിശയമേ : എന്നരീതി

LyricFront