Ravum pakalum geethamgal paadi

Verse 1

രാവും പകലും ഗീതങ്ങൾ പാടി പവിത്ര ജീവിത ശോഭയെ നേടി ശൂലേമിയെപ്പോൽ കാത്തിരിക്ക നീ കാന്തൻ വരുമേ ഉണരൂ സീയോനേ

Verse 2

തങ്കനിണത്തിൻ വിലയല്ലയോ നീ ചങ്കുപോൽ നിന്നെ സ്നേഹിച്ചതല്ലോ തങ്കൽ ഏക ചിന്തയതാലെ പങ്കമെന്യേ മേവുക സുതയേ

Verse 3

ചാവിൻ നിഴലിൽ ഭയം നിനക്കെന്ത്? ജീവൻ ക്രിസ്തുവിൽ മറഞ്ഞിരിപ്പില്ലേ ജീവനായകൻ വെളിപ്പെടും നേരം തേജസ്സിൽ നീയും കണ്ടീടുമല്ലോ

Verse 4

ഭരണകൂടങ്ങൾ തകരുവതെന്ത്? അരചവാഴ്ചയും നീങ്ങുവതെന്ത്? ഭരണം യേശു താനേറ്റിടുവാനായ് ത്വരിതമായതിൻ വഴിയൊരുക്കുമല്ലോ

Verse 5

വീടും വയലും തോട്ടവുമെല്ലാം നേടുവാനുള്ള സമയമിതല്ല കാടും മലയും ആവലോടോടി നേടുക നീ ആത്മാക്കളെയും

Verse 6

കാലം ഏറെ ചെല്ലുവതില്ല നാളെയെന്നതു നിനക്കുള്ളതല്ല കാലത്തികവിൽ കാന്തൻ വന്നീടും കാത്തിരിക്ക നീ ശൂലേമിയാളേ

LyricFront