സീയോനെ നീ ഉണർന്നെഴുന്നേൽക്കുക ശാലേം രാജനിതാ വരുവാറായ് ശീലഗുണമുള്ള സ്നേഹസ്വരൂപൻ ആകാശമേഘത്തിലെഴുന്നെള്ളിവരുമേ Verse 2: പകലുള്ള കാലങ്ങളണഞ്ഞണഞ്ഞുപോയ് കൂരിരുൾ നാളുകളടുത്തടുത്തേ ഝടുതിയായ് ജീവിതം പുതുക്കി നിന്നീടുകിൽ ഉടലോടെ പ്രിയനെ എതിരേൽപ്പാൻ പോകാം Verse 3: കഷ്ടതയില്ലാത്ത നാളുവന്നടുത്തേ തുഷ്ടിയായ് ജീവിതം ചെയ്തിടാമേ ദുഷ്ടലോകത്തെ വെറുത്തു വിട്ടീടുകിൽ ഇഷ്ടമോടേശുവിൻ കൂടെ വസിക്കാം Verse 4: അന്ധത ഇല്ലാത്ത നാളു വന്നടുത്തേ സാന്ത്വന ജീവിതം ചെയ്തിടാമേ അന്ധകാരപ്രഭു വെളിപ്പെടും മുമ്പേ സന്തോഷമാർഗ്ഗത്തിൽ ഗമിച്ചിടുമേ നാം Verse 5: തിരുസഭയെ നിൻ ദീപങ്ങളെന്നുമേ സൂര്യപ്രഭപോൽ വിളങ്ങിടട്ടെ മഹിമയിൻ തേജസ്സിൽ എഴുന്നള്ളിവരുമ്പോൾ മണവാളനോടു നാം മറുരൂപമാകാൻ Verse 6: സൈന്യബലത്താൽ രാജ്യങ്ങളാകവേ തകർന്നുടഞ്ഞീടുന്നു ദിനംദിനമായ് സൈന്യത്തിൻ ശക്തിയാൽ ഒന്നിനാലുമല്ല ആത്മബലത്താൽ ജയമെടുക്കേണം