Seeyonin paradeshikale naam

Verse 1

സീയോനിൻ പരദേശികളേ നാം ഉയർത്തിടുവിൻ കൊടിയെ ആനന്ദത്തോടെ ആത്മപ്രിയനെ ഗാനം മുഴക്കി ക്കൊണ്ടെതിരേൽക്കാം നമുക്ക്

Verse 2

ബേതലഹേം മുതൽ കാൽവറിയോളം പാദങ്ങൾ പതിഞ്ഞിട്ടുണ്ടേ പാദം വയ്ക്കേണം ലാക്കിലേക്കോടണം മാതൃക നൽകിയൊരേശുവിൻ പിൻമ്പേ

Verse 3

കഷ്ടതയനുഭവിച്ചേശുമഹേശൻ വഴി നമുക്കൊരുക്കിയല്ലോ ഇടുക്കം ഞെരുക്കമുള്ളീവഴി പോകണം മടിച്ചുനിൽക്കാതെ മാർഗമദ്ധ്യത്തിൽ

Verse 4

ഭാരം സകലവും പാപമശേഷവും പരിത്യജിച്ചീടുക നാം വിശ്വാസപൂർത്തി വരുത്തുന്ന നായകൻ യേശുവെ തന്നെ നോക്കുക സ്ഥിരമായ്

Verse 5

പരദേശികളേ വീണ്ടെടുത്തോരേ ജയഘോഷം പാടിടുവിൻ ആർപ്പിടുവിൻ ഹല്ലേലുയ്യാ പാടുവിൻ കർത്തനാം യേശുവെ ഓർത്തു ഗമിപ്പിൻ

Verse 6

സീയോൻ നഗരിയിൽ മിന്നുന്ന ഗോപുരം ദൂരത്തായ് കാണുന്നുണ്ടേ ദൂതന്മാർ ദൈവത്തെ സ്തുതിക്കുന്ന ശബ്ദം മോദമായ് കേൾക്കുന്നു വേഗം ഗമിക്കാം

LyricFront