Siluvaiyai Patri

Verse 1

அப்பொழுது இயேசு தம்முடைய தாயையும் அருகே நின்ற தமக்கு அன்பாயிருந்த சீஷனையும் கண்டு தம்முடைய தாயை நோக்கி: ஸ்திரீயே அதோ உன் மகன் என்றார். பின்பு அந்தச் சீஷனை நோக்கி: அதோ உன் தாய் என்றார். யோவான் 19: 26 27 சிலுவையைப் பற்றி நின்று துஞ்சும் மகனைக் கண்ணுற்று விம்மிப் பொங்கினார் ஈன்றாள்; தெய்வ மாதா மயங்கினார்; சஞ்சலத்தால் கலங்கினார்; பாய்ந்ததாத்துமாவில் வாள்.

Verse 2

பாக்கியவதி மாதா உற்றார் சிலுவையை நோக்கிப் பார்த்தார்; அந்தோ என்ன வேதனை! ஏக புத்திரனிழந்து துக்க சாகரத்தில் ஆழ்ந்து சோகமுற்றனர் அன்னை.

Verse 3

இணையிலா இடருற்ற அன்னை அருந்துயருற யாவரும் உருகாரோ? தெய்வ மைந்தன் தாயார் இந்த துக்க பாத்திரம் அருந்த மாதாவோடழார் யாரோ?

Verse 4

தம் குமாரன் காயப்பட முள்ளால் கிரீடம் சூட்டப்பட இந்த நிந்தை நோக்கினார்; நீதியற்ற தீர்ப்புப்பெற அன்பர் சீஷர் கைவிட்டோட அவர் சாகவும் கண்டார்.

Verse 5

அன்பின் ஊற்றாம் இயேசு ஸ்வாமீ உமதன்னைக்குள்ள பக்தி எந்தன் நெஞ்சில் ஊற்றிடும்! அன்பினால் என் உள்ளம் பொங்க அனல் கொண்டகம் உருக அருளைக் கடாட்சியும். ஆமென்.

Add to Setlist

Create New Set

Download Song

Login required