Suvishesha ghoshaname suthan yeshuvin

Verse 1

സുവിശേഷഘോഷണമേ സുതൻ യേശുവിൻ കൽപനയേ ദൈവസ്നേഹത്തിൻ വചനവുമേ അവൻ രക്ഷയിൻ ക്ഷണമതുമേ

Verse 2

കൃപയിൻ ഈ നൽയുഗമേ-കഴിയുന്നു മഹൽദിനമേ കരഞ്ഞീടും അനേകരയ്യോ! ഗുരുവചനം മറന്നുവയ്യോ!

Verse 3

നമ്മൾ പാപങ്ങൾ നിമിത്തമേ-യേശു ഭൂമിയിൽ വന്നതുമേ ക്രൂശു തോളിൽ ചുമന്നതുമേ-രുധിരമതു ചൊരിഞ്ഞതുമേ

Verse 4

പാപഭാരങ്ങളാലുമേ പാരിൻ ക്ലേശങ്ങളാലുമേ പാതവിട്ടിഹെ ഉഴലുന്നോരെ-പ്രിയൻ യേശുവിൻ അരികിൽ വാ

Verse 5

ഞാനേ വഴിയും സത്യവും ജീവനുമെന്നുരച്ചവനാം താനേ നിന്നെ രക്ഷിച്ചിടുമേ-തങ്കച്ചോരയിൽ കഴുകിടുമേ

Verse 6

തെരുവീഥികൾ വഴികളിലും-മലകൾ താഴ്വരകളിലും തിരുവചനം മുഴക്കി നാം-പരൻ വാക്കിനു വലയിറക്കാം

Verse 7

മഴയോ വെയിലോ പുഴയോ മതഭേദം എന്ന പഴിയോ കണ്ണീരിൽ നാം വിതച്ചീടുകിൽ കൊയ്തിടുമതവൻ നാളിൽ

Verse 8

എല്ലാ ജാതി ജനങ്ങളുമേ-നല്ല രാജനെ വണങ്ങീടുമേ അല്ലലെല്ലാമകന്നീടുമേ-ഹല്ലേലൂയ്യാ നാം പാടിടുമേ

LyricFront