Swargeeya dootharam senakalyaavarum

Verse 1

സ്വർഗ്ഗീയദൂതരാം സേനകൾയാവരും നിത്യനാം യാഹിനെ ശുദ്ധൻ ശുദ്ധൻ പരിശുദ്ധനെന്ന- ങ്ങവരാർത്തു സ്തുതിച്ചിടുന്നു

Verse 2

രണ്ടു ചിറകിനാൽ പാദവും രണ്ടിനാൽ മുഖവും മൂടിക്കൊണ്ടു രണ്ടുകൊണ്ടങ്ങുപറന്നു സാറാഫുകൾ നിത്യം സ്തുതിച്ചിടുന്നു:-

Verse 3

ഉർവ്വിയിൽ നാഥനാം ദേവനവനുടെ ദിവ്യമഹത്വം കൊണ്ടു സർവ്വകാലത്തിലും പൂരിച്ചിടുന്നതിശോഭനമായിഹത്തിൽ

Verse 4

സകല ജീവികൾക്കുടയവ- നായുള്ളതാതനാം യാഹിനെ ശുദ്ധൻ ശുദ്ധൻ പരിശുദ്ധനെന്ന- ങ്ങവരാർത്തു സ്തുതിച്ചിടുന്നു

Verse 5

അഖില സൃഷ്ടിയിൻ ശാപങ്ങൾ പോക്കിയ സൂനുവാം യാഹിനെ ശുദ്ധൻ ശുദ്ധൻ പരിശുദ്ധനെന്ന- ങ്ങവരാർത്തു സ്തുതിച്ചിടുന്നു

Verse 6

ആശ്വാസപ്രദനായ് ആനന്ദമേകുന്ന ആത്മാവാം യാഹിനെ ശുദ്ധൻ ശുദ്ധൻ പരിശുദ്ധനെന്ന- ങ്ങവരാർത്തു സ്തുതിച്ചിടുന്നു

Verse 7

സൃഷ്ടിച്ചു രക്ഷിച്ചു പാലിച്ചിടുന്നൊരു ത്രിയേക യാഹിനെ ശുദ്ധൻ ശുദ്ധൻ പരിശുദ്ധനെന്ന- ങ്ങവരാർത്തു സ്തുതിച്ചിടുന്നു

LyricFront