Thirucharana seva cheyyum nararilathi

Verse 1

തിരുചരണ സേവ ചെയ്യും നരരിലതി പ്രേമമാർന്ന പരമഗുണ യേശു നാഥാ നമസ്കാരം

Verse 2

നിജ ജനക സന്നിധിയും വിബുധരുടെ വന്ദനയും വെടിഞ്ഞു വന്ന ദിവ്യ ഗുരോ നമസ്കാരം

Verse 3

പശുക്കുടിയിൽ ജീർണ വസ്ത്രം അതിൽ പൊതിഞ്ഞ രൂപമതു ശിശു മശിഹാ തന്നെയവോ നമസ്കാരം

Verse 4

ക്രൂശിൽ തിരു ദേഹം സ്വയം യാഗമാക്കി ലോക രക്ഷ സാധിച്ചൊരു ധർമ്മനിധേ നമസ്കാരം

Verse 5

പിതൃ സവിധമണഞ്ഞു മമ കുറവുകൾക്ക് ശാന്തി ചെയ്‌വാൻ മരുവിടുന്ന മാന്യമതേ നമസ്കാരം

Verse 6

നിയുത രവിപ്രഭയോടിഹ പുനർഗമിച്ചു പാപികൾക്ക് നിരയ ശിക്ഷ നല്കും വിഭോ നമസ്കാരം

Verse 7

ഉലകിനുള്ള മലിനതകൾ അഖിലം പരിഹരിച്ചു ഭൂവിൽ ദശ ശതാബ്ദം വാഴുവോനെ നമസ്കാരം (തിരുചരണ..)

LyricFront