Thirukrupa thannu nadathanamenne

Verse 1

തിരുകൃപ തന്നു നടത്തണമെന്നെ തിരുഹിതം പോലെ നാഥാ തിരുഹിതം പോലെയെൻ നാഥാ

Verse 2

ബഹുവിധ എതിരുകൾ വളരുമിനാളിൽ ബലഹീനനാം ഞാൻ തളർന്നു പോകാതെ(2) ബലമെഴും കരത്താൽ താങ്ങണം എന്നെ; ബഹുലമാം കൃപയാൽ നടത്തണം നാഥാ(2)

Verse 3

മരുതലമേകും ദുരിതങ്ങളഖിലവും മകുടങ്ങളാണെന്നെണ്ണി ഞാൻ വസിപ്പാൻ(2) തിരുകൃപയെന്നിൽ പകരണമനിശം; തിരുമൊഴി കേട്ടു ഞാൻ വളരുവാൻ നാഥാ(2)

Verse 4

പഴയ മനുഷ്യനെ ഉരിഞ്ഞു ഞാൻ കളഞ്ഞു പുതിയ മനുഷ്യനെ ഉള്ളിൽ ഞാനണിഞ്ഞു(2) ഉയിരുള്ള നാൾവരെയും ഉലകിൽ നിൻ വഴിയിൽ; ഉൺമയായ് നടപ്പാൻ വരം തരൂ നാഥാ(2)

Verse 5

നിൻ നാമമെന്നിൽ മഹിമപ്പെടേണം നിൻ സ്നേഹമെന്നിൽ നിറഞ്ഞു വരേണം(2) നീ എന്നിൽ വളർന്നും ഞാൻ എന്നിൽ കുറഞ്ഞും; നിന്നിൽ ഞാൻ മറഞ്ഞു മായണം നാഥാ(2)

LyricFront